MC Tasyakuran ngunduhMantu

Bismillah hirrohma nirrohkhim

Assalamu’alaikum Warohmatullohi Wabarokatuh…

Kula nuwun. Dumateng Ngarsanipun para sesepuh, pinisepuh, 

Para Kyai ‘alim ulama ingkang satuhu lepdho ing pitutur, 

pono ing pamaos ingkang pantes kinormatan, saha dipun mulya aken dening Allah SWT. 

Wabil khusus ing ngarsanipun bapa slamet sekalian ibu, soho rombongan besan saking tlatah sanggang sukoharjo makmor ingkang pantes pinundhi..

Para tamu kakung sumowono potri ingkang pantes sinudharsono, 

Para kadang werdho, mudo taruno, ing tlatah perum delta graha ingkang tansah kulo tresnani.

Minangko purwakaning atur, sumonggo kulo derekaken tansah ngunjukaken,

poji-puji syukur dumateng ngarso dalem Alloh SWT,
ingkang sampun paring nikmat saha rohmat dumateng kulo saha panjengenan,
katitik wonten ing ri kalenggahan puniko, kulo, saha panjenengan saged kempal manunggal,

nuhoni, punopo ingkang dados hajatipun bopo hendi sekalian ibu esih, 

kanti wilujeng nir ing sambi kolo.

Saklajengipun Sholawat sarto salam, mugi tansah kunjuk,

dumateng ngarsanipun junjungan kulo panjenengan sedoyo, nabi agung,

Muhammad, SAW 

ingkang kulo saha panjenengan tenggo menggah syafaat ipun ing yaumil akhir.

Para tamu kakung sumowono putri ingkang pantes sinu dharsono,

Sakderengipun kulo nyuwun agunging samudro pangaksomo,
mbok bilih kulo cumanthoko ngadeg ing mriki,
mboten sanes kulo hamung, Nuhoni dhawuh ipun,

ingkang mengku damel Bopo. hendi sekaliyan ibu esih,

kinen hangaturaken rantaman-ning adicara pawiwahan

Tasyakuran walimatul urs Bagus Hendra Lesmana kaliyan Roro Putri Setyaningsih,

ingkang sampun kalampahan ijab qobul ipun, dinten : Setu pahing antawis tabuh 08.00 wekdal Indonesia kilen, surya kaping pitu februari 2026 mapan wonten ing tlatah sanggang sukoharjo makmur.

Para tamu kakung, sumowono putri ingkang pantes sinudharsono,

Wondene rantamaning adicara wonten ing pahargyan "Tasyakuran Walimatul urs " siang puniko  nun inggih;

1.   Ingkang sepisan atur pambuko,

2.   Kalajengaken adicara ingkang ongko kalih nun inggih waosan ayat-ayat suci Al Quran, ingkang badhe dipun waos aken dening panjenenganipun bopo ustad Abdurrahman

3.   Adicara ingkang ongko tigo nun inggih atur pasrah-panampi pinanganten. 

4.   Adicara ingkang ongko sekawan nun inggih - ngaso sawetawis, utawi istirahat.

5.   Adicara ingkang ongko gangsal nuninggih atur pambagya raharjo saking keluargo ageng bapa hendi dumateng para tamu.

6.   Adi cara ingkang ongko enem nun inggih mau’idhoh hasanah kalajengaken pandongo ingkang insyaAllah kawedar dening panjenenganipun romo kiyai Saifudin Masykuri 

7.   Adicara ingkang pungkasan nun inggih panutup

Para tamu kakung sumowono putri ingkang dahat kinormatan, 

makaten sawetawis rancangan lampah-lampahing pahargyan

tasyakuran walimatul urs,  bagus Hendra Lesmana kaliyan rara Putri Setyaningsih  ing siang punika.

Mugi sedaya tansah manggih wilujeng tanpa alangan setunggal menapa, 

jumbuh kang ginayuh, manggih raharja.

Ing salajengipun mugi lenggahipun, panjenengan sedoyo kanthi mardika,

ngantos pari purnaning pahargyan kanthi suka reno. 

Nuwun. 

1. Pambuko,

Para tamu kakung sumowono putri ingkang dahat kinormatan.

Sumonggo adicara wonten ing ri kalenggahan puniko,

dipun bikak kanti waosan

suratul Fatikhah,

(katur dumateng ibu bapak ingkang gadahi keyakinan sanesipun kasuwun jumbuhaken kaleh keyakinan nipun piyambak2)  , kanti pangajap mugi pahargyan wonten ing siang puniko tansah pinayungan rahmatipun Alllah SWT. 

ngala hadhihin niyah 

wa ‘ala kulli niatin sholihah, Alfatikhah…..

2.Waosan ayat-ayat suci Al Quran

Para tamu kakung sumowono putri ingkang pantes kinabehten,

wondene adicara saklajengipun nuninggih waosan ayat-ayat suci Al Quran ingkang badhe dipun waos aken panjenganipun ustad Abdurrohman,

dumateng panjenenganipun ustad Abdurrohman Kulo sumanggaaken, sumonggo….

Mekaten menggah waosan ayat-ayat suci Al Qur’an ingkang sampun paripurna,  

mugi tansah paring kaberkahan dumateng kulo saha penjenengan, 

langkung-langkung dumateng pinanganten sarimbit.. 

amin.amin alluhumma amin.

3.Pasrah-panampi pinanganten

Para tamu kakung sumowono putri ingkang pantes sinu darsono,

Adicara ingkang ongko tigo nun inggih

atur pasrah-panampi pinangan ten putri, 

wondene atur pasrah saking, keluargo besan bopo (parman sekalian ibu marsi) 

kasariro dening panjenganipun bapa (…....................….) 

kasumbul dening bopo .....................kaliyan bopo ...................,

Saha atur panampi saking keluargo Bopo Hendi sekalian ibu esih. kasariro dening panjenganipun bopo (Eko Suparyono, S.PD) 

kasumbul dening bopo Azis Muin, kaliyan adhimas Sayid Umar basri

Dumateng para ingkang sampun kasebat asmonipun, 

kulo aturi jengkar saking sasono palenggahan tumuju wonten ing sasono pangendikan… 

sumonggo….

(acara)…………………………..

Mekaten atur pasrah pinanganten putri saking bapa parman  

ingkang sampun kasariro dening panjenenganipun bapa (…...............         ….) ,, 

selajeng ipun atur panampi sakingbopo hendi,

ingkang badhe kasariro dening panjenenganipun bopo Eko Suparyono, S.Pd., 

saklajeng ipun dumateng panjenganipun bopo eko suparyono, s.pd, kulo semanggaaken, ........sumonggo….

(acara)…………………..

Para rawuh ingkang kinurmatan, mekaten prosesi pasrah saha panampi sampun kalampahan kanthi lancar lan khidmat.

Mugi pasrahing sri panganten putri saha panampi saking kulawarga kakung punika,

dados pralambang manunggaling kalih kulawarga ageng, 

tansah kaparingan rukun, rahayu, saha berkah.

4. ngaso sawetawis

Para tamu kakung sumawono putri ingkang pantes kinormatan,

Adicara ingkang saklajengipun nun inggih ngaso sawetawes,,,..

Kangge njangkepi pahargiyan

ing Wekdal punika badhe dipun-ginakaken kanggé foto sesarengan kaliyan sri penganten, 

sakjroning  penganten taksih seger, ugi taksih jembar eseme.... 

dumateng juru foto kasumangga aken. 

saklajengipun
Dumateng para kadang mudho taruno saha juru ladi,

mugio kerso mratelakaken ubomrampe nipun,

ing pangajab saged ndados aken regeng ing pahargyan siang puniko.

Sinambi para tamu kakung sumowono putri nyrantos juru ladhi ngaturaken jejibahan nipun, adicara sakmeniko badhe dipun regeng aken ugi kaleh Group Hadroh Madihul Mustofa,
Saking masjid Al mustajabah, Nusukan Surokarto, 

saklajeng dumateng tim Hadroh Madihul Mustofa

kulo sumangga aken, sak cekapipun. ingkang bade dipun ambali kanthi waosan Qiroah,  Sumonggo…

<Snack, soup keluar>

5. Atur pambagya

Para tamu kakung somowono putri ingkang pantes kinormatan,

Adicara ngaso  dipun cekap aken semanten rumiyin, 

kalajeng aken adicoro saklajengipun nun inggih atur,

pambagya harjo saking keluargo ageng bapa hendi dumateng para tamu.

Atur pambagyo harjo, sakmangke  badhe kasarira dening panjenganipun bapa Drs. Widodo, 

kasumbul bopo Padma, kaliyan bopo Hidayat.

Dumateng para ingkang sampun kasebat asmonipun, kulo aturi jengkar saking sasono palenggahan tumuju wonten ing sasono pangendikan,
sumonggo.

(Acara…………)

Para rawuh ingkang kinurmatan,

mekaten atur pambagya sampun kasampurnak aken kanthi sae.

Mugi sedaya pangajab lan panyuwunan ingkang sampun ka aturaken

saged kaparingan rahayu lan berkah kanggé penganten kalih saha kulawarga ageng.

< 

6. Mau’idhoh hasanah

Para tamu kakung sumawono putri ingkang pantes kinormatan,

Adicoro saklajengipun nun inggih Mau’idhoh hasanah dipun lajeng aken pandongo
ingkang bade dipun wedar dening panjenganipun almukarom bopo kiyai Saifudin Masykuri,
dumateng almukarom romo kiyai Saifudin Masykuri, kulo sumangga aken , sakecekap ipun kirang langkung .. menit/jam utawi dipun cekapi sakedereng ipun wedal sholat ashar antawis tabuh 15.00 wedal indonesia kilen, sumonggo….

<Disela-sela pengaosan dan sebelum doa, juru ladi membagikan makan..>

(acara)

Para tamu kakung somowono putri ingkang dahat kinormatan,

Mekaten menggah mau’idhoh hasanah ingkang sampun

kawedar dening romo kiyai Saifudin Masykuri, mugi saged nambahi kaimanan, saha ,

katakwaan kulo saha panjenengan sedoyo, 

langkung-langkung dumateng sri pinanganten sarimbit,

ingkang badhe bale wismo saha bebrayan agung.

7.   Penutup

Para tamu kakung somowono putri ingkang pantes kinormatan,

Mekaten menggah lampahipun 

adicara wonten ing pahargyan 

ri kalenggahan puniko sampun paripurno,  

kulo minongko pranoto adicara mbok bilih anggen kulo matur kirang trapsilo 

soho kirang subosito  kulo nyuwun agunging samudro pangaksomo. 

Monggo sareng-saremg pahargyan ing ri kalenggahan puniko,

dipun tutup kanti waosan hamdalah.. sreng-sareng .

Alhamdulillahirobbil ‘alamii,

Ing wasana wilujeng konduripun dumugi dalem sowang-sowang 

kanthi asesanthi rahayu ingkang sami pinanggih.

Wassalamualaikum wrwb Nuwun.

Ucapan selamat datang..

Sugeng rawuh  kaatur aken kagem poro tamu ugi saking keluargi besan,

Kawula ngaturaken panuwun sanget awit rawuhipun panjenengan sedaya

ingkang sampun kersa rawuh maringi pakurmatan lan pandongo wonten ing pahargian siang meniko.

Sumangga panjenengan sedaya katuran lenggah, ing papan ingkang sampun sumadyo/kaatur aken

Dumateng poro parogo among tamu, kerso nyumanggaaken poro tamu ingkang sampun sami rawuh.

Matur nwn

nyuwun sewu dumateng para tamu kakung sumowono putri kulo suwun pinarak sak wetawis, ngrantos juru ladhi ingkang badhe ngaturaken daharan dumateng para tamu